• KAZ
  • RUS
  • ENG

РЕСМИ ИНТЕРНЕТ-РЕСУРС

ТАРАЗ МЕМЛЕКЕТТІК ПЕДАГОГИКАЛЫҚ ИНСТИТУТЫ

ҚҰРМЕТТІ ДАРИЯ ПЕРНЕШҚЫЗЫ! СІЗДІ “ЖЫЛ ПАТРИОТЫ” НОМИНАЦИЯСЫН ИЕЛЕНУІЗБЕН ШЫН ЖҮРЕКТЕН ҚҰТТЫҚТАЙМЫЗ. ІЗГІ НИЕТПЕН ТАРМПУ ҰЖЫМЫ. // ҚҰРМЕТТІ ОҚЫТУШЫЛАР МЕН СТУДЕНТТЕР! СІЗДЕРДІ 16 ЖЕЛТОҚСАН - ҚАЗАҚСТАН РЕСПУБЛИКАСЫНЫҢ ТӘУЕЛСІЗДІК КҮНІ МЕРЕКЕСІМЕН ҚҰТТЫҚТАЙМЫЗ! // ҚҰРМЕТТІ ОҚЫТУШЫЛАР МЕН СТУДЕНТТЕР! ТАРАЗ МЕМЛЕКЕТТІК ПЕДАГОГИКАЛЫҚ УНИВЕРСИТЕТІНІҢ ЭМБЛЕМАСЫНА БАЙҚАУ ЖАРИЯЛАЙДЫ. ТОЛЫҚ АҚПАРАТТЫ ТӘРБИЕ БӨЛІМІНЕН АЛА АЛАСЫЗДАР



Физика-математика факультеті

Жамбыл пдагогикалық институтының физика-математика факультеті Қазақ Советтік Социалистік Республикасы, жоғары және арнайы білім Министрлігінің 1967 жылы 1 тамызында шыққан бұйрығы бойынша құрылды. Заман талабына сай қазіргі таңға дейін факультеттің атауы өзгерістерге ұшырады.

2007 жылдан бүгінгі күнге дейін физика-математика факультетінің деканы қызметін ф.-м.ғ.к., профессор Т.Б.Бижигитов табысты атқарып келеді.

Т.Бижигитов білім мен ғылымда өзінің ізін қалдырған ұлағатты ұстаз және ғалым.

Оның жоғары қысым және төменгі температура физикасы бағытында бұрын белгісіз болған келесі іргелі нәтижелерді алды:

- тәжірибе жүзінде бұрын белгісіз болған жоғары қысымдағы және төменгі температурадағы мұздың Р-Т координатасындағы диаграммасын алғаш рет тұрғызды.

- зерттеу барысында мұздың ХІІ түрін ашып, оның серпімділік қасиеттерінің қысымға және температураға тәуелділіктерін анықтады.

- төменгі температурадағы және жоғары қысымдағы мұздың Р-Т координатасындағы диаграммасында белгісіз болған үш үштік нүктенің координаталарын тапты.

- мұз түрлерінің төменгі температура мен жоғары қысымдағы фазалық бірінші текті өту кезіндегі термодинамикалық функцияларының өзгерістерін есептеді.

- фазалық диаграммадағы барлық мұз түрлерінің серпімділік қасиеттерін және олардың қысыммен температураға тәуелділік графиктерін тұрғызды.

Осы бағытта екі монографиясы баспадан шықты:

1. Судың және мұз түрлерінің физикалық қасиеттері„ Алматы: Экономика.2013.-124 бет.

2. Жоғары қысым және төменгі температура физикасы„ Алматы, Экономика. 2013.-167 бет.

Т.Бижигитовтың 130 ден астам ғылыми және әдістемелік еңбектері бар. Оның 7-ден астамы шет елдердің рейтингісі нолдік емес импактфакторы журналдарында басылып шыққан. Көптеген жылдар бойы білімгерлер мен магистранттарға арнайы курстардан инновациялық технология әдістерін пайдаланып «Статистикалық физика және термодинамика», «Электродинамика және салыстырмалылықтың арнайы теориясы», «Математикалық физика теңдеулері», «Математикалық физика әдістері», «Жалпы физика курстары» пәндерінен лекциялар оқыды.

Қазақстан Республикасының Білім және ғылым министрлігінің бекітуімен ЖОО физика-математика, химия, биология және техникалық мамандықтарда оқитын білімгерлерге арнап бүгінгі күннің талабына сай оқытудың кредиттік технологисына негізделіп жазылған теориялық физика курстары мен физикадан төмендегі оқулықтары баспадан шықты:

1. Статистикалық физика және физикалық кинетика негіздері. Алматы, «Дәуір» 2011.

2. Электродинамика және салыстырмалылықтың арнайы теориясы, Алматы, «Дәуір» 2012.

3. Математикалық физика әдістері, Алматы, «Дәуір» 2012.

4. Жалпы физика курсы, Алматы, «Экономика» 2013.

5. Теориялық физика әдістері, Алматы, «Экономика» 2015.

6. Молекулалық физика, Алматы, «Экономика» 2017.

7. Молекулалық физика, Алматы, оқу құралы«Экономика» 2015.

Бүгінгі күні Т.Бижигитовтың Жамбыл облысы мен Тараз қаласында өзіндік физикалық ғылыми мектебі толық қалыптасқан. 2004 жылдан бастап қазіргі уақытқа дейін Жамбыл өңірінде өтетін мектеп оқушыларының физика пәнінен облыстық олимпиадасының және физика, техника және космос бағыттары бойынша өтетін ғылыми жоба комиссиясының төрағасы қызметін нәтижелі атқаруда. Республикалық және Халықаралық деңгейлерде өткен олимпиадалар мен ғылыми жобаларда оқушылары жүлделі орындар иеленгендері үшін облыстық оқу департаменті Т.Бижигитовты «Эрудит» және «Білім шырағы» дипломдарымен марапаттаған.

2011-2013 жылдары Тараз қаласындағы №44 (Жамбыл даңғылы 16А, ТарМПИ) учаскелік сайлау комиссиясының төрағалық қызметін үлкен жауапкершілікпен атқарғандығы ескеріліп, Нұр Отан партиясының алғыс хаттарымен марапатталды.

Жоғары білім беру жүйесінің дамуына қосқан зор үлесі және ЖОО оқулықтар жазудағы көп жылдық нәтижелі еңбегі үшін А.Байтұрсынов атындағы қола, күміс және алтын медальдармен марапатталған.

«Физика–математика» факультетінде төмендегі мамандықтарды даярлайды:

- 5B010900-«Математика»

- 5В011000-«Физика»

- 5В011100-«Информатика»

Қазіргі кезеңде факультетте 3 ғылым докторлары, профессорлар, 1 Phd доктор, 15 ғылым кандидаттары, доценттер және магистрлер қызмет етеді. Факультетте  білімгерлердің сапалы білім алуына толық мүмкіндіктер жасалған. Кафедраларда заман талабына сай жабдықталған арнайы оқу және ғылыми-зерттеу лабораториялары жұмыс істейді. Материалдық базаны нығайтуға үнемі көңіл бөлінуде. Оқу кабинеттері толығымен заманауи компьютерлермен, техникалық құралдармен, қолданбалы программалармен жабдықталған. 2016-2017 оқу жылында интерактивті тақтамен жабдықталған, жаңа талапқа сай «Робототехника негіздері» лабораториясы іске қосылды. Ондағы 5 дана TETRIX, 10 дана LEGO, 20 дана Arduino роботтары ғылыми ізденіс және зертханалық жұмыстарды орындауда пайдаланылуда.

Факультет кафедралары шетел және Республикамыздың жетекші оқу орындарымен тығыз ғылыми педагогикалық байланыс орнатқан. Батыс Берлин Университеті (Германия), Мәскеу мемлекеттік Университеті, Новосібір мемлекеттік Университеті, Әл-Фараби атындағы Қазақ Ұлттық университеті, Абай атындағы Қазақ Ұлттық  педагогикалық университетімен оқу-ғылыми әдістемелік жұмыстар жүргізуге келісім шарт жасалынған.

Болон процесінің негізгі принципі бойынша студенттердің «Академиялық ұтқырлық» бағдарламасы бойынша халықаралық және республикалық ЖОО-да білім сапасын көтеруге мүмкіндік жасалған. Мысалы, 2012-2017 жылдар арсында студенттер Польша, Болгария, Германия, Латвия мемлекеттерінің және Қазақстанның бірнеше  ЖОО-да білім алды.

Факультет мамандықтары бакалаврының кәсіптік қызметінің негізгі міндеттері:

- білім беру бағдарламаларының негізгі идеяларын пайдалану және осы бағдарламадағы істерді жүзеге асыру жолдарын көрсете білу;

- оқыту үрдісінде  оқу-тәрбие беруді жетілдіру, терең білім алуға ықпал ету;

- өзінің кәсіби қызметінің бағытының өзгеруіне сәйкес жалпы және арнайы білім деңгейін арттыру, кәсіби және әлеуметтік–қоғамдық пәндер саласында алған білімдерін іс жүзінде пайдалана білу;

- педагогикалық, ғылыми, өндірістік және басқару қызметтерін жоғары деңгейде жаңа талаптарға сәйкес жүргізу.

Факультеттің мекен-жайы: Тараз қаласы, Жамбыл даңғылы, 16 a (блок В), № 7 оқу ғимараты

Деканат телефоны:: +7 (7262)-52-67-84

Find the Best Web Hosting which offers reliable service and top quality support