• KAZ
  • RUS
  • ENG

РЕСМИ ИНТЕРНЕТ-РЕСУРС

ТАРАЗ МЕМЛЕКЕТТІК ПЕДАГОГИКАЛЫҚ ИНСТИТУТЫ

ҚҰРМЕТТІ ДАРИЯ ПЕРНЕШҚЫЗЫ! СІЗДІ “ЖЫЛ ПАТРИОТЫ” НОМИНАЦИЯСЫН ИЕЛЕНУІЗБЕН ШЫН ЖҮРЕКТЕН ҚҰТТЫҚТАЙМЫЗ. ІЗГІ НИЕТПЕН ТАРМПУ ҰЖЫМЫ. // ҚҰРМЕТТІ ОҚЫТУШЫЛАР МЕН СТУДЕНТТЕР! СІЗДЕРДІ 16 ЖЕЛТОҚСАН - ҚАЗАҚСТАН РЕСПУБЛИКАСЫНЫҢ ТӘУЕЛСІЗДІК КҮНІ МЕРЕКЕСІМЕН ҚҰТТЫҚТАЙМЫЗ! // ҚҰРМЕТТІ ОҚЫТУШЫЛАР МЕН СТУДЕНТТЕР! ТАРАЗ МЕМЛЕКЕТТІК ПЕДАГОГИКАЛЫҚ УНИВЕРСИТЕТІНІҢ ЭМБЛЕМАСЫНА БАЙҚАУ ЖАРИЯЛАЙДЫ. ТОЛЫҚ АҚПАРАТТЫ ТӘРБИЕ БӨЛІМІНЕН АЛА АЛАСЫЗДАР



«Педагогика және бастауыш оқыту әдістемесі» кафедрасы

ТАРИХЫ

Кафедра 1989 жылдың 1 қыркүйегінде құрылды. Кафедраны педагогика ғылымдарының кандидаты М.Н. Сарыбеков басқарды. 1992 жылы сұраныс пен қажеттіліктілікке байланысты «Педагогика» кафедрасымен біріктіріліп, 1994 жылы қайта бөлінген «Педагогика және бастауыш оқыту әдістемесі» кафедрасына әр жылдары педагогика ғылымдарының кандидаты, доцент С.А.Мусаева,  Халықаралық Акмеология Академиясы және Қазақ Халық Экология Академиясының академигі, педагогика ғылымдарының докторы, профессор Н.С.Сарыбеков, Қазақстан Республикасы жаратылыстану ғылымдары Академиясының академигі, педагогика ғылымдарының докторы, профессор Т.К.Кенжебаев, п.ғ.к., доцент З.Н.Кудебаева, п.ғ.к., профессор Н.М.Кушеров, п.ғ.д., профессор К.Ж.Бұзаубақова,  п.ғ.к., доцент Қ.Н.Сарыбекова жетекшілік етті.

Бүгінгі таңда кафедраны педагогика ғылымдарының кандидаты, доцент Кенжебаева Алима Төлеуқызы басқарады.

«Педагогика және бастауыш оқыту әдістемесі» кафедрасының миссиясы – институтымыздың инновациялық даму міндеттері мен білім беру саласындағы үздік әлемдік іс-тәжірибелеріне сәйкес бәсекеге қабілетті болашақ бастауыш сынып мұғалімдерін дайындаудың сапалық деңгейін жоғарылату және оқу үдерісін инновациялық технологиялармен қамтамасыз ету, осыған орай кафедраның ғылыми, әдістемелік және материалдық техникалық, кадрлық потенциалын жоғарылату мәселелері қарастарылған.

«Педагогика және бастауыш оқыту әдістемесі» кафедрасының ғылыми әлеуеті жоғары. Атап айтсақ, ғылым кандидаттары, академиялық профессорлар, доценттер, ғылым магистлері, аға оқытушы және оқытушылар қызмет атқарады. Олардың арасында Ы.Алтынсарин атындағы   және «ҚР білім беру үздігі» төсбелгілерінің иегерлері бар.

Студенттердің ғылыми-зерттеу жұмысының бағытындағы білім беру бағдарламасын жүзеге асыру бойынша кафедра қызметінің маңызды факторы академиялық ұтқырлық болып табылады, онда студенттер ғылыми-зерттеу жұмыстарын ұйымдастыру мен жүргізу тәжірибесімен танысып, алмаса алады. Осылайша, ішкі академиялық ұтқырлық бағдарламасы бойынша 5В010200-«Бастауышта оқытудың педагогикасы мен әдістемесі» мамандығының студенттері Қазақстанның басқа жоғары оқу орындарында білім алады.  Сыртқы академиялық ұтқырлық бағдарламасы бойынша мамандығының студенттері Болгария, Чехия, Польша университеттерінде білім алады.

Тілдік бағдарламасы күшейтілген көптілді топтарда болашақ бастауыш мектеп мұғалімдерін даярлау ісі жүргізіледі. Ағылшын тілі мұғалімдерін көптілдік топтарда сабақ өткізуге үйрету үшін кафедра оқытушылары Абай атындағы Қазақ ұлттық педагогиқалық  университетінде  ағылшын тілін жеделдетіп оқыту бойынша қайта даярлау курстарынан өтті.

5В010200-«Бастауышта оқытудың педагогикасы мен әдістемесі» мамандығының студенттері республикалық студенттік пәндік олимпиадаларға үнемі қатысып, жүлделі орындарды иеленуде. 2014-2015 оқу жылында Түркістан қаласындағы ХҚТУ базасында өткен VII республикалық пәндік олимпиадада 5В010200-Бастауышта оқытудың педагогикасы мен әдістемесі мамандығы командасының студенттері 2 орынды иеленді. 2015-2016 оқу жылында Қарағанды қаласында Бөкетов атындағы Қарағанды мемлекеттік университетінің  базасында өткен VIII Республикалық пәндік олимпиадада 3 орынды иеленді.

Кафедра оқытушылары Қазақстан Республикасы біліктілікті арттыру орталықтарында өткізілетін біліктілікті арттыру курстарында, семинарларда тәжірибеден өту арқылы өз біліктіліктерін үнемі жетілдіріп отырады. Осылайша,  п.ғ.к., доцент Кенжебаева А.Т. Португалиядағы Порто қ.  Жоғары техникалық университетінде біліктілікті жоғарылату курсынан, ал профессор Кушеров Н.М. Германиядағы Дюссельдорф қаласында кәсіби біліктілігін арттыру курсынан өтті.

Кафедра оқытушылары Назарбаев Зияткерлік мектебінің Педагогикалық шеберлік орталығымен және Кембридж университетінің білім беру факультетімен бірлесіп әзірленген бағдарлама бойынша тренерлерді даярлау курстарынан өтті. Сондай-ақ, Назарбаев Зияткерлік мектептерінде орта білім берудің жаңартылған мазмұны аясында бастауыш сыныптарда білім беру бағдарламалары бойынша тренерлерді дайындау үшін педагог кадрлардың біліктілігін жоғарылату курстарына қатысты.

КЕНЖЕБАЕВА АЛИМА ТОЛЕУОВНА

«Педагогика және бастауыш оқыту әдістемесі» кафедрасының меңгерушісі

Кенжебаева Алима Толеуовна 1973 жылы 4 қаңтар айында Тараз қаласында дүниеге келген. 1979-1989 жылдар аралығында К.Э. Циолковский атындағы  №7 орта мектебінде оқып, күміс медальмен аяқтады. 1989 жылы Әл-Фараби атындағы Қазақ Ұлттық Унивеситетінің «Математика» мамандығына түсіп, 1994 жылы бітіріп шығады. Сол жылы Жамбыл технологиялық институтының жеңіл және тағам өнімдерінің  «Жоғары математика» кафедрасында ассистент қызметін атқарды.

1999 жылы «Студенттердің шығармашылық қабілеттерін қалыптастырудың педагогикалық шарттары (жоғары математика және физика курстарын зерттеу негізінде)» тақырыбында кандидаттық диссертацияны қорғап шығады. А.Т. Кенжебаеваның 60-тан астам ғылыми мақалалары жарық көрді; оқу-әдістемелік құралдардың «Математикалық физика теңдеулерін шығарудың сандық әдістері», «Руководство к решению задач по аналитической геометрии», «Содружество школ, семьи и общественности в воспитании младших школьников», «Современные педагогические технологии в начальном образовании»; пәндер бойынша оқу бағдарламалары: «Профессиональные ориентиры учителя», «Практикум  решения задач по математике»; студенттердің жеке жұмыстары мен курстық жұмыстарды орындауға арналған әдістемелік нұсқаулықтар жасалынған. Өзінің еңбек жолында жоғары математика кафедрасының меңгерушісі, жоғары оқу орнынынан кейінгі білім беру департаментінің директоры қызметтерін атқарған.Қазіргі таңда «Педагогика және бастауыш оқыту әдістемесі» кафедрасының меңгерушісі қызметін атқаруда. Әр түрлі Республикалық семинарларда біліктілігін арттырып сертификаттарға иеленген: «Қашықтықтан оқытудың білім беру технологиялары» (Астана 2011ж), Әл-Фараби атындағы КазҰУ-нің «Жоғары мектеп менеджменті» аттыбіліктілікті арттыру курстары (Алматы 2011ж), 2015 жылы Назарбаев Интеллектуалды мектебінің біліктілікті арттыру курстарынан  (Астана 2015 ж) және Әл-Фараби атындағы КазҰУ-де «Актуальные проблемы современной педагогики и психологии» атты біліктілікті арттыру курстарынан, Жоғары техникалық институты (Португалия, Порто қ), ЖОО-да «Қазіргі педагогикалық технологиялар» педагогикалық мамандық оқытушыларының кәсіби біліктілігін арттыру  білім беру бағдарламасы курстарынын өтті. Тараз қаласының қоғамдық өміріне белсене атсалысып, қаланың әлеуметтік-экономикалық тұрғыда өсіп өркендеуіне қосқан сүбелі үлесі үшін «Ұлағатты ұстаз» номинациясында марапатталған (2012 ж., 2017 ж.).

Байланыс телефон: +7 777 241 34 46; +7 747 777 4630

Е-mail : alimakzt@mail.ru

Find the Best Web Hosting which offers reliable service and top quality support